सामुदायिक विद्यालयले शिक्षाको गुणस्तरलाई बढाउँनु पर्ने

• 3 वर्ष पहिले

दिपक बस्नेत
फागुन १६, तामाकोशी ।
नेपाली कांग्रेसका केन्द्रिय सदस्य कुन्दन राज काफ्लेले सामुदायिक विद्यालयले शिक्षाको गुणस्तरलाई बढाउँनु पर्ने बताउँनु भएको छ ।
श्री कालापानी माध्यामिक विद्यालय तामाकोशी गाउँपालिका वडा नम्बर ३ जफे कालापानीको ६२ औं बार्षिक उत्सव तथा २७ औं अभिभाक दिवसलाई सम्वोधन गर्दै काफ्लेले विद्यालयका लागि आफुले सक्दो सहयोग गर्ने यसका लागि विद्यालयले गुणस्तर शिक्षण सिकाईमा जोडदिनु पर्ने, व्यवस्थापन समिति, शिक्षक, विद्यार्थी, अभिभावक सवै जना मिलेर कालापानी विद्यालयलाई परिर्वतन गरि जिल्लाको उत्कृष्ट विद्यालय बनाउँनुपर्नेमा जोड दिनु भयो ।
सम्वोदनकै क्रममा काफ्लेले विद्यालयमा चाहेको जुनसुकै समयमा आफु उपस्थित हुनेमा विश्वास दिलाउँदै शिक्षण सिकाईमा परिर्वतन गरेर देखाउँनु पर्ने बताउँनु भयो । काफ्ले हाल विद्यालय व्यवस्थापन समितिको अध्यक्ष समेत हुनुहुन्छ । अध्यक्षको हैसियतले विद्यालयको विकासमा आफु हरदम लाग्ने काफ्लेको भनाई छ । बार्षिक उत्सवको अवसरमा विद्यालयले पुर्व शिक्षक अभिभावक संघका अध्यक्ष तथा हालका विद्यालय व्यवस्थापन समिति सदस्य बद्रि पौडेल र पुर्व विद्यालयका शिक्षक विनिता देवी कार्कीलाई सम्मान गरेको छ ।
विद्यालयले आफ्नो ६२ औं बार्षिक उत्सव सांस्कृतिक कार्यक्रम सहित धुमधाम साथ मनाएको छ । बार्षिक उत्सवको कार्यक्रमका प्रमुख अतिथि उद्धव राज काफ्ले, विषेश अतिथि तामाकोशी गाउँपालिका वडा नम्बर तीन जफेका वडा अध्यक्ष राम प्रसाद काफ्ले, नेपाली कांग्रेस बागमती प्रदेश सदस्य प्रचण्ड दिप कार्की, चनौटे आधारभुत विद्यालयका प्रधानाध्यापक रमेश काफ्ले, पुर्व प्रधानाध्यापक इश्वर कार्की, नेपाली कांग्रेस वडा सभापति कुबेर भण्डारी, नेकपा एमालेका वडा कमिटि अध्यक्ष शन्तोष पोखरेल, छौडे आधारभुत विद्यालयका शिक्षक सुमन पोखरेल, जाग्रीति प्राविका प्रधानाध्यापक शिव हरी पोखरेल लगाएतले शुभकामना मन्तव्य व्यक्त गर्नु भएको थियो ।
कार्यक्रममा स्वर्गीय देवी प्रसाद काफ्लेको नामबाट रु. एक लाख, स्वर्गीय हवल्दार राम बहादुर भण्डारीको नामबाट रु. ५५ हजार पाँच सय ५५, स्वर्गीय कृष्ण प्रसाद पोखरेलको नामबाट रु. १२ हजार थप गरि २५ हजार अक्षयकोष स्थापना गरिएको छ ।
विद्यालयले अमेरीकामा बस्ने श्वेता काफ्लेले बार्षिक रुपमा प्रदान गर्ने छात्रवृत्ति, इश्वर राज कार्कीबाट उत्कृट छात्रवृत्ति, बासुदेव घिमिरे मार्फत प्रदान हुने छात्रवृत्ति, स्वर्गिय देवी प्रसाद काफ्लेबाट उत्कृष्ट छात्रा छात्रवृत्ति र केदार प्रसाद पोखरेलबाट उत्कृष्ट दलित छात्रवृत्ति पदान गरिएको छ भने ओम प्रसाद पोखरेलको नामबाट जेहेन्दार विद्यार्थीलाई स्टेसनरी वितरण गरिएको छ ।

3 वर्ष पहिले    503 Post Views