निर्वाचन आयोगको निर्देशनः फागुन ३ भित्र चुनावी घोषणापत्र सार्वजनिक गरी पेस गर्नुपर्ने
काठमाडौं माघ २७ । निर्वाचन आयोगले आगामी फागुन २१ गते हुने निर्वाचनमा सहभागी राजनीतिक दलहरूलाई आफ्नो चुनावी घोषणापत्र सार्वजनिक गरी निर्वाचन आयोगमा पेस गर्न निर्देशन दिएको छ ।
सोमबार बसेको आयोगको बैठकले घोषणापत्र पेससम्बन्धी निर्देशन जारी गर्ने निर्णय गरेको हो । निर्वाचन आयोगका सहसचिव तथा प्रवक्ता नारायण प्रसाद भट्टराईका अनुसार निर्वाचनमा भाग लिने राजनीतिक दलहरूले आगामी फागुन ३ गतेभित्र चुनावी घोषणापत्र सार्वजनिक गरी आयोगमा पेस गर्नुपर्नेछ ।
त्यसैगरी, पहिलो हुने निर्वाचित हुने निर्वाचन प्रणालीतर्फका उम्मेदवारहरूले पनि सोही मितिभित्र घोषणापत्र सार्वजनिक गरी सम्बन्धित निर्वाचन कार्यालयमा पेस गर्नुपर्ने आयोगले जनाएको छ ।
निर्वाचन आयोगले जारी गरेको विज्ञप्तिमा निर्वाचन आचारसंहिता २०८२ को दफा ३७ तथा राजनीतिक दलसम्बन्धी ऐन २०७३ को दफा ५७ बमोजिम घोषणापत्र पेस गर्न निर्देशन दिइएको उल्लेख गरिएको छ ।
5 महीना पहिले
219 Post Views
_1703245235.jpeg)
