कपिलेश्वरमा जसपा उम्मेदवार साहको घरदैलो, विकास प्राथमिकतामा

• 7 दिन पहिले

जनकपुरधाम, फागुन ११।
धनुषा निर्वाचन क्षेत्र नं. ३ अन्तर्गत जनकपुरधाम उपमहानगरपालिका–१६ कपिलेश्वरमा परमेश्वर साहले घरदैलो कार्यक्रम सम्पन्न गरेका छन्। जनता समाजवादी पार्टी (जसपा) नेपालका तर्फबाट उम्मेदवार साहले स्थानीय बस्ती तथा टोलमा पुगेर मतदातासँग प्रत्यक्ष संवाद गरेका हुन्।
घरदैलोका क्रममा उनले सडक, खानेपानी, शिक्षा र स्वास्थ्य सेवाको पहुँच विस्तारलाई मुख्य प्राथमिकतामा राख्दै विकासमार्फत जनताको विश्वासको प्रतिफल दिने प्रतिबद्धता व्यक्त गरे। स्थानीय समस्या समाधानका लागि नीति र स्रोत सुनिश्चित गरिने उनको भनाइ थियो।
स्थानीय बासिन्दाले सडक स्तरोन्नति, ढल व्यवस्थापन, विद्यालय सुधार, स्वास्थ्य संस्थामा जनशक्ति अभाव, बेरोजगारी तथा कृषि समस्याबारे ध्यानाकर्षण गराएका थिए। साहले युवालाई सीपमूलक तालिम, स्वरोजगार कार्यक्रम र कृषि उत्पादनलाई बजारसँग जोड्ने योजना अघि बढाउने आश्वासन दिए।
निर्वाचन नजिकिँदै जाँदा धनुषा–३ मा विभिन्न दलका उम्मेदवारले घरदैलो र भेटघाट कार्यक्रम तीव्र पारेका छन्। यसै क्रममा साहले घरदैलोमार्फत मतदातासँग सम्बन्ध विस्तार गर्ने रणनीति अघि बढाएका छन्।

7 दिन पहिले    132 Post Views