एकताले उत्साहित कांग्रेस, बहुमतको दाबी गर्दै मैदानमा निधि
जनकपुरधाम, फागुन १३ धनुषा निर्वाचन क्षेत्र नम्बर–३ का प्रतिनिधिसभा सदस्य उम्मेदवार विमलेन्द्र निधि ले पार्टीभित्र अहिले कुनै ठूलो विवाद नरहेको दाबी गरेका छन् । उनका अनुसार नेपाली कांग्रेस नयाँ ऊर्जा, एकता र उत्साहका साथ चुनावी मैदानमा उत्रिएको छ ।
जनकपुरधाममा सञ्चारकर्मीसँग कुरा गर्दै निधिले फागुन ६ गते सम्पन्न आमसभालाई कांग्रेसका लागि सकारात्मक संकेतका रूपमा व्याख्या गरे । विशाल जनसहभागिताले संगठनको मजबुती र जनविश्वास दुवै प्रष्ट पारेको उनले बताए ।
उनले महामन्त्री गगन कुमार थापा को नेतृत्वमा देखिएको युवा सक्रियताले पार्टीमा थप ऊर्जा भरेको उल्लेख गरे । उम्मेदवार चयनदेखि चुनावी रणनीतिसम्म कांग्रेस बलियो अवस्थामा रहेको उनको दाबी छ ।
मधेशमा चुनावी गतिविधि तीव्र बन्दै जाँदा कांग्रेसले संगठन विस्तार, घरदैलो र जनसंपर्कलाई प्राथमिकतामा राखेको उनले बताए । स्थानीय मुद्दा, विकास र राजनीतिक स्थायित्वलाई केन्द्रमा राख्दै कांग्रेसले बहुमतसहित सरकार गठन गर्ने विश्वास उनले व्यक्त गरे ।
5 महीना पहिले
203 Post Views
_1703245235.jpeg)
